Setar ta orguyoso di patrocina wega cu Chadwick Tromp lo hunga aden na Aruba

Winterball na Aruba!

ORANJESTAD (AAN): Pa prome biaha, Aruba lo tin un hungador di Grandes Ligas hungando na cas.

Ta trata aki di e conocido Ambasador di Setar NV, esta e major leaguer Chadwick Tromp.

   E evento lo tuma luga November 10 na Stadion Nadi Croes/Crismo Angela y ta worde organiza door di Pro-Line Baseball Aruba. Chadwick lo hunga Winterball na Aruba den e Liga di Proline cu ta figura tur e prospectonan Arubiano cu ta hungando baseball den exterior.

   Setar NV como compania nacional a sponsor e evento aki cu meta di sigui aporta na comunidad di Aruba den eventonan cultural, di educacion y sport.

   Corda bay sostene Chadwick y tur otro hungador dia 10 di November na Stadion Naci Croes/Crismo Angela pa 8or di anochi.