ORANJESTAD (AAN): Entrante 1 di october 2023, clientenan di e compania Setar NV por haci uzo di Setar su WhatsApp Self-Service via e number 597-9999.
E WhatsApp Self-Service ta worde ofreci den tur cuater idioma, esta Papiamento, Hulandes, Ingles y Spaño.
E WhatsApp Self-Service ta brinda e cliente e facilidad pa por haya informacion di su cuenta. Ademas, e cliente por recarga number prepaid, cumpra data bundle y cumpra roaming bundle. Unabes cu manda un mensahe pa e number, e self-service menu lo sigui guia bo den e proceso.
Clientenan cu servicio prepaid por recarga nan credito prepago door di scan of hinca e number di un prepaid card. Pa clientanan di prepaid cu kier cumpra un bundle, e pago lo worde kita for di e saldo di e credito prepago. Pa clientenan postpaid cu cumpra un bundle, e pago pendiente lo bin riba e cobransa di fin di luna.
Den futuro cercano Setar lo sigui expande e self-service via otro canalnan manera Facebook y Web Chat y lo introduci mas funcionalidad manera, entre otro, pago di cobransa via Pay.aw, unda cu e cliente lo ricibi un payment request pa aproba via e Pay.aw app; status di bo cita pendiente; guia basico di troubleshoot y opcion pa registra un storing; y mucho mas.
E WhatsApp Self-Service ta un di e canalnan cu por tuma contacto cu Setar. Clientenan por haci uzo tambe di e emailadres This email address is being protected from spambots. You need JavaScript enabled to view it. of por yama 525-1000 pa asistencia cu servicio of cualkier pregunta.
