ORANJESTAD (AAN): Siman pasa diabierna, Setar NV a ricibi bishita di e grupo di Independencia Digital di FAVI.
Un grupo dinamico cu ta reuni tur siman pa siña mas di e posibilidadnan cu tecnologia ta ofrece pa facilita nan bida diario y promove nan independencia digital.
Durante e bishita, e profesionalnan di Teleshop a comparti informacion tocante diferente funcionnan di accesibilidad riba telefon celular, nos paketenan di Mobile, Internet y Cable como tambe e beneficionan di uza nos SETAR App y Pay.aw. Tambe a dedica atencion na e importancia di Cybersecurity y con pa haci uzo di tecnologia di manera sigur y responsabel.
Como nos compania nacional di telecomunicacion, pa SETAR ta importante pa comparti conocemento y promove inclusion digital entre diferente gruponan den nos comunidad pa mas persona por beneficia di e oportunidadnan cu tecnologia ta ofrece.
https://diario.aw/categories/noticia/general/setar-ta-comparti-conocemento-cu-grupo-di-independencia-digital-di-favi#sigProIdc50f0ac2f4