Setar ta casi cla cu su meta di conecta tur scol na Aruba cu Fiber

E compania Setar NV ta mira bek cu orguyo riba 2024, cual ta un aña marca pa proyectonan grandi y compromiso continuo cu comunidad.

Cu un inversion di mas di 1 miyon florin, e compania ta casi cla cu su meta di conecta tur scol na Aruba cu Fiber, faltando solamente 7 localidad.

   Den 2024, nan a sigui demostra nos compromiso cu educacion door di: Partner cu Aruba Scholarship Foundation pa becanan na Merca, Canada y region.  Tambe nan a aporta na e Student Development Fund di Universidad di Aruba.  Fuera a contribui cu 300 tas y material di scol pa studiantenan den necesidad.  Tur esey pasobra Setar NV ta kere den e futuro di nos hobennan.