Setar orguyoso di a sostene Parada Escolar

ORANJESTAD (AAN): Diabierna mainta a tuma lugar for di Aruba Entertainment Center pasa riba Avenida Milio Croes,

y despues sigui riba Vondellaan pa caba na Plaza Libertador Betico Croes, e tan spera “Parada Escolar” na Playa pa scolnan preparatorio y esnan basico.

   Scolnan cu a participa ta Reina Beatrix School, Prinses Amalia School, Arco Iris Kleuterschool, Play2Whizz Campus, Mon Plaisir, Pius X School, y Fatima College, Frere Bonifacius School y Rosario College, Colegio Conrado Coronel, Scol Paso pa Futuro, y Scoel Soeur Juliette, y St. Dominicus College.

   E tabata un parada cu tur aña ta crece cu participacion y creatividad. Setar NV, como sponsor oficial di Aruba su Carnaval, ta contento di por a contribui na e celebracion pa nos muchanan por a gosa di nan Parada Escolar.