Setar NV ta contento cu nan a yuda cu Food Truck Festival 2024

ORANJESTAD (AAN): E compania nacional di telecomunicacion, Setar NV, a splica cu un biaha mas nan a partner cu Harambe Foundation pa organisa e Food Truck Festival 2024 na San Nicolas.

   Diasabra anochi cu a pasa, publico presente por a gosa di un tremendo ambiente cu entretenimento y un variedad di snacktruck y bendedornan local na e promenade dilanti Kulture Café.

   Setar NV sigur a sostene e meta di evento e aña aki, cu tabata pa consientiza riba seguridad di cuminda como un di e metanan di Sustainable Development Goals y pa promove productonan local.

   Ademas di variedad di cuminda di snacktrucknan staciona eynan, por a cumpra cos di bebe, y tambe tabatin Mauchi’s Smoothies cu batido fresco di fruta, y juice di lamunchi.  Tambe tabatin animacion musical tambe y tur hende a pasa un anochi agradabel.