Fenomenal y kizas Boda di Aña di Jennety y Nielson

ORANJESTAD (AAN): Riba Diasabra cu a pasa, e pareha Nielson Kock y Jennety Croes a bisa “si” na otro pa cuminza cu nan bida como esposo y esposa na Misa Inmaculada Concepcion na Santa Cruz. 

Depues a sigui un recepcion bon anima na The New China Club.

   Un total di como 300 invitado tabata presente pa goza di e anochi cu musica di Robert Jeandor y su Solo Banda Show.  Y algo unico ta cu tur invitado a bay saca potret cu e pareha, y por mira algun di nan.

   Mayornan di e pareha ta Nelson Kock y Beata Thielman, como tambe e conocido John A. Croes y Isabella Croes.  Hendenan a goza di e fiesta, y a hasta yame ‘Boda di Aña’.  Tur hende encanta cu e coordinacion bao encargo di Berlinda Engelhardt cu su team.  DIARIO ta desea e pareha un eterno luna de miel.