SETAR N.V. a organisa un 'Learning Day' den cuadro di nan 'Siman di Aprecio'

Cu temanan actual y al caso:

ORANJESTAD (AAN):   Den cuadro di nan 'Siman di Aprecio', SETAR N.V. a organisa un 'Learning Day'. E evento aki mester a tuma siman pasa, pero pa motibo di mal tempo, el a wordo posponi pa e siman aki.

            E evento tabata sigur uno masha interesante. A planea dos lezing den diferente orario pa asina mas cliente por a participa di e actividad.

            E prome lezing tabata tin como topico 'Cyber Security'. E tabata un sesion educacional tocante hermentnan y tips basico importante riba con pa proteha bo informacion y bo datonan digital. Esaki a wordo ofreci door di Paul Eelens, Information Security Manager.

            E di dos sesion tabata bao encargo di Larissa Bermudez, kende ta un PR & Media Specialist. Larissa a elabora riba locual ta na moda pa loke ta rednan social den 2022.

            El a haci un analisis hopi interesante riba cada plataformanan social y cual ta mas uza segun e 'target group'. Tambe, el a splica riba e importancia di e contenido y con pa atrae mas audiencia.

            Sigur tabata un tremendo actividad organisa un biaha mas door di SETAR N.V specialmente pa e comunidad di Aruba.