Setar ICT Services contento pa anuncia e onboarding di Respaldo

ORANJESTAD (AAN): Informacion nobo ta indica cu e compania Setar NV a cuminsa cu un era nobo di servicionan pa nos clientenan corporativo y gubernamental.

   E asina yama Setar ICT Services a bira un realidad den e entrega di e prome fase di e proyecto di Respaldo. Respaldo ta e prome cliente di Setar cu ta bay completamente riba diferente hosted services di Setar den forma di un One-Stop-Shop cu lo ultimo den tecnologia.

   Setar a participa aña pasa na e bid di Respaldo y gana esaki na oktober 2020. Cu e logro aki, Setar ta ofrece Respaldo un bekabeling nobo, diferente conexion di Internet y Redundancy pa garantisa conectividad, Wi-Fi cu Ruckus Access Points, diferente licencia di Microsoft 365 y workstations completo incluyendo laptops y computers. Tur esaki ta coordina y hosted via Setar su Data Center. Cu e setup aki, tur tres localidad di Respaldo ta interconecta cu otro y cu un solo aanspreekpunt den tur locual ta trata su servicionan.

   Ademas, tambe ta den pipeline pa Setar duna Respaldo un training di Information Security pa tur nan usuarionan p’asina nan ta informa y por protege nan mes di atakenan cibernetico.

   Como Setar, e compania ta orguyoso di por sigui extende servicionan di siguiente generacion na e clientenan banda di tur e otro servicionan cu nan ta ofrece.