ORANJESTAD (AAN): Dialuna atardi, despues cu e dos informadornan a bira conoci, a haya oportunidad di combersa cu Eddy Werleman y Tisa Lasorte,
relaciona cu e reunion cu e lidernan politico di e partidonan RAIZ (Ursell Arends), MAS (Marisol Lopez-Tromp) y Accion21 (Miguel Mansur).
Werleman a expresa cu su prome dia como Informador a bay bon y pa nan tabata un honor pa wordo nombra. Nan a acept'e y cuminsa di biaha cu e trabao cu mester wordo haci.
El a bisa cu informador ta informa e partidonan nan puntonan di accion y si nan ta dispuesto pa traha cu otro.
A entrevista tur tres partido y tur cos a bay na ordo. Awe nan lo entrevista e dos partidonan grandi, a indica.
Segun Werleman nan trabao ta pa investiga y raporta na gobernador kico nan a haya for di e partidonan. El a agrega cu e proceso aki por ta masha cortico. Esaki ta depende di e conversacionnan, Lasorte a señala.
Nan ta sintando solamente cu e lidernan politico. Gobernador a sinta cu gremionan y no ta necesario pa e informadornan bolbe sinta cu nan. "Nos sa alomenos kico ta e contenidonan e ora no ta necesario mas pa sigui papia cu nan", a bisa.
Awe ta sigui cu e resto di e reunionnan cu MEP y AVP. Den e caso aki, Lider di Partido MEP, Evelyn Wever Croes lo reuni cu e informadornan pa 9or di mainta.
