Setar cu un mainta special dirigi riba concientisacion cancer na pecho

ORANJESTAD (AAN): Na final di luna di October, pa cera Pink Month, e compania Setar NV a organiza

un mainta special pa nan trahadornan dedica na conscientisacion tocante cancer na pecho hunto cu Fundacion ABO.

   Durante e actividad, e trahadornan di Setar a participa na un sesion informativo tocante e importancia di screening, cu oportunidad pa haci pregunta y inscribi pa screening. Y naturalmente, nan a disfruta di un dushi desayuno y captura un recuerdo special cu e Queen's Throne.

   Cu e iniciativa aki, Setar ta sigui apoya e mensahe di conscientisacion y e importancia di tuma accion pa cuida nos salud.  Un danki special na Fundacion ABO pa nan colaboracion y tremendo trabao.

   Aunke Pink Month a yega su final, e mensahe ta sigui: Ros ta mas cu conscientisacion. E ta un recordatorio pa bay haci bo screening.