ORANJESTAD (AAN): Envez di benta materialnan afo cu ainda ta hopi util pa decor, gerencia di Setar NV a bin cu e genial idea pa haci donacion di nan na algun scol.
Esey a socede recientemente, y personal di Setar NV a acudi cu cahanan yen di material y asina a parti articulonan di decoracion segunda mano na varios instancia y scolnan rond di e isla.
Tur hende sa con bunita Setar ta luci den temporada di Pasco usando material di bon calidad, cu facilmente tin hopi bida util den nan. Pues scolnan lo por bay beneficia di nan grandemente.
Cu e gesto aki Setar NV ta duna back na comunidad y ta trece e dushi ambiente di Fin di Aña mas cerca. Riba e imagen por mira e caranan contento di mucha- y maestronan.
