Francis Tromp Coordinador di e careda:
ORANJESTAD (AAN) – Francis Tromp, Coordinador di e Carera “Memorial Run & Walk, Libertador Betico Croes-2024”, den conferencia di prensa a duna informacion detaya di e careda.
El a cuminza pa elabora riba diferente punto importante cu e participantenan mester tene cuenta cu ne. El a menciona cu riba e dia di e careda nan ta bay tin un lapso di dos ora, pa tur e participantenan completa e proceso di registracion, pa por garantiza nan participacion.
E fecha di registracion lo cera Diabierna 19 di Januari 2024, si nan yega e cantidad limita di mil participante. Esaki lo wordo anuncia riba IBiSA su facebook page.
Entrega di flanel y tip number lo bay tuma lugar riba Diasabra 20, na IBiSA, cuminzando pa 9’or di mainta, non-stop te cu 3’or di atardi.
Pa loke ta trata premiacion, di biaha e mesun dia di e careda, nan ta bay saca di diez kilometer, di seis kilometer, e tres ganadornan, masculino y femenino cu sigur lo bay ricibi un trofeo, y tambe e tres topnan masculino y femenino den cada categoria di edad.
