Setar a entrega premio na tur e ganadornan di Aruba su Carnaval

ORANJESTAD (AAN): Diamars atardi na Setar Conexion Center na Seroe Blanco a tuma lugar entrega di e premionan pa tur participante di Carnaval cu te ainda a gana premio.

Presidente di SMAC Darren van Ommeren y Roxana Ras tabata presente pa entrega tur e ganadornan nan premio di Setar cu un celular.

Esnan cu a ricibi nan premio ta e Prins y Pancho infantil, hubenil, grandi y adulto.

Tambe ganadornan di Calypso y Roadmarch infantil y hubenil a haya nan premio, mescos cu e ganadornan di Tumba infantil, hubenil y adulto.

Dimes tur e reinanan di Aruba su Carnaval tambe a ricibi nan bunita premio.