Sesenta persona a participa den e Webinar 'Tax Time' organisa door di IDEA hunto cu DIMP

ORANJESTAD (AAN):  IDEA (Iniciativa pa Desaroyo pa Empresa Arubano) cu colaboracion di Departamento di Impuesto (DIMP) a organisa un webinar: “Tax Time” 15 september 2021.

            E oradornan di (DIMP) tabata sra. Johrainne Lacle- Giron, sra. Lisandra Lacle y sra. Ruthline Webb y nan a presenta e siguiente topiconan: 

Inkomstenbelasting vs Winstbelasting;

BBO/BAVP/BAZV;

Loonbelasting y primanan social;

Verzamelloonstaat y Verzamelstaat opgaaf derden;

Reglanan nobo Fiscal y Kleineondernemingsregeling “KOR”.

            Despues di e presentacion e oradornan di DIMP a contesta tur e preguntanan cu bin di parti di e participantenan. E contestanan ricibi tabata satisfactorio.

            E webinar aki a tuma luga via e plataforma digital di Microsoft Teams y a haya un participacion di en total 60 persona. IDEA ta sumamente contento cu e contenido di e webinar y tambe di e bon comentarionan ricibi di su participantenan na final di e webinar y via email.

            E webinar aki  tabata sigur hopi informativo.

            IDEA su eventonan sa ta gratis y ta dedica na SME’s (Small & Medium Enterprises) y tur cu kier cuminsa un negoshi y cu kier educa nan mes riba diferente topico.