ORANJESTAD (AAN): En conexion cu mantencion necesario, Veterinaire Dienst ta informa cu nan servicio di abattoir
lo ta cera cuminsando diahuebs 20 di mei 2021 te cu dialuna 25 di mei 2021. Entrante diamars 26 di mei 2021 abattoire lo sigui duna su servicio di matansa riba afspraak. Pa un cita/afspraak riba e dianan di matansa cu ta riba diamars y diahuebs, mester yama por lo menos un dia prome na 5224310.
Servicio lo wordo duna bou di condicionnan estricto di e.o distancia fisico y prohibicion di aglomeracion, pa asina evita un cantidad grandi di hende riba tereno di abattoir na mes momento. Veterinaire Dienst ta haci un suplica na esnan cu ta bin busca servicio serca nan pa cumpli cu tur condicion stipula. Esnan cu no kier cumpli cu e condicionnan di proteccion lo wordo pidi pa bandona e localidad.
Veterinaire Dienst lo traha abase di e siguiente condicionnan:
-Criadornan di bestia mester traha un cita adelanta y informa cu cuanto bestia lo e bin. Sin cita lo no duna servicio
-Riba e dia y orario stipula e criador di bestia mester raporta su mes na e gate. Si e persona ta laat of e no presenta e peticion lo no wordo honra despues mas y un cita nobo mester wordo traha.
-E criador di bestia ta wordo controla na gate si e tin cita. Si e tin cita elo haya instruccion pa pone su bestianan den e hokinan asigna y despues e mester bandona tereno di Veterinaire dienst.
-Despues e bestianan ta wordo conforme nos reglanan gekeur y mata.
Ora cu Veterinaire Dienst caba cu e matansa, ta yama e doño e mes un dia pa presenta na gate y busca su bestianan despues cu a paga pa e servicio.
Servicio Veterinario ta informa cu e medidanan aki ta necesario debi na e crisis di Corona Virus y ta nesesario pa cuida salud di e personal pero tambe di e clientenan. Si riba dia di bo cita bo tin sintoma manera tosamento, keintura, dolor di garganta ta suplica bo pa no bin na nan servicio pero pidi pa haci cambio di cita.
