ORANJESTAD (AAN): Miembronan di Fun Miles awor ta saca e maximo beneficio na Cas di Max! Cumpra mueble nobo semper ta excitante;
Cas di Max ta ofrece un variacion grandi di mueble moderno, di calidad halto y na prijsnan masha atractivo. Ademas, Cas di Max por personalisa e diseño di bo mueble tambe. Pa compaña e prijsnan atractivo di Cas di Max, entrante dia 15 di Mei, miembronan di Fun Miles por spaar y cambia Fun Miles. Como introduccion, miembronan di Fun Miles lo ricibi di 5x Fun Miles na compra di nan matras nobo marca Serta! Tambe ta posibel pa paga parcialmente cu Fun Miles (Cash + Miles) ofreciendo e cliente libertad maximo pa maneha su puntonan di Fun Miles.
Maximalisa bo fun na Cas di Max
Cas di Max ta un muebleria local y ta duna honor den su nomber na sr. Max Croes q.e.p.d. antes propietario di Texas Furniture Store. Cas di Max a pasa di generacion pa generacion, cuminsando di Mo Chimi, Max Croes, Dadou Croes, Karine Croes y awor pa Paul Schouten. Despues cu Texas a cera algun miembro di famia a pone cabes hunto pa bolbe habri un ‘Texas chikito’, esaki primordialmente pa brinda pueblo arubano, y clientenan fiel un muebleria di calidad halto na prijs competitivo. P’esey, a lanta Cas di Max na aña 2013. E reaccion di comunidad arubano a haci Cas di Max un muebleria masha stima. Cas di Max ta consisti di 2 establecimento; un di nan ta specialisa den cama cu matras, na unda e cliente por scoge su cama y matras den un ambiente trankilo y relaha. Cas di Max ta agente oficial di Sealy Posturepedic na Aruba. E otro parti, ta e muebleria na unda ta ofrece mueble, pero tambe tapijt y vinyl. Tur mueble ta conta cu certificacion ISO. E showroom di Cas di Max ta pega cu e magazijn di manera cu un cliente por yega cu su pick-up cumpra su mueble y bay cu’ne mesora! Pa mas informacion por bishita facebook.com/casdimax
Tocante Fun Miles
Miembronan di Fun Miles ta disfruta continuamente di promocion, campaña y eventonan espectacular. No perde e ‘fun’ sigui nos riba social media, funmiles.net of download e App gratis di Fun Miles.
Mas informacion tocante Fun Miles?
Tuma contacto cu servicio na cliente na number 588 9947 of bishita funmiles.net of facebook.com/funmiles.
