ORANJESTAD (AAN):: Recientemente Banco di Caribe a celebra aniversario di 16 empleado.
Na e ocasion aki sr. Giovanni Croes, Managing Director Commercial Affairs di Banco di Caribe (Aruba) N.V. a hiba palabra.
“Nos ta masha contento di por celebra riba e dia aki 5, 10, 15, 20, 25 y te hasta 30 aña di labor hunto cu diferente colega,” Croes a indica.
“Nos ta gradici nan pa e dedicacion di tur dia. Esunnan cu awor ta celebra 5 aniversario por tuma inspiracion y ehempel di esunnan cu ya caba a bin ta labora pa hopi aña na Banco di Caribe. Esunnan cu a forma nan carera bancario hunto cu nos, laborando 15, 20, 25 y te hasta 30 aña na banco, ta worde considera pilar di nos organizacion y nos ta masha orguyoso di nan!”
Masha pabien na sr. Cerilio Croes, señora Omaira Felida, señora Yue Yi Wu, señora Jessica Kelly, señora Beverly Theysen, señora Vivien Marugg, señora Magaly Sneek, señora Charlotte Hassell, sr. Gilbert Arends, señora Susanita Maduro, sr. Raul Aparicio, sr. Gregory Donata, señora Jahaira Maduro, señora Janien Bernabela, sr. Richard Kelly y señora Rika v.d Werf.
Riba e potret por mira Sr. Giovanni Croes, Managing Director Commercial, Sr. Elvin Maduro, Managing Director Operations di Banco di Caribe hunto cu tur esunnan cu a celebra nan aniversario.
