Serio Biento Boys a organiza Ride pa yuda hoben busca su salud den exterior

ORANJESTAD (AAN): Recientemente Sero Biento Boys a tene un ride cu brommer, pa un causa special.

Den un entrevista e presidente di e club di motociclista a duna di conoce cu e ride ta pa yuda un mucha muher di 15 aña cu tin mester di un ayudo medico.

“Nos di Sero Biento Boys a pensa pa organiza e ride aki, unda cu e intencion ta pa na cada stop e famianan di e mucha muher lo tey cu un box, pa asina tur e bikers y otronan cu kier yuda por haci un donacion”.

Esaki segun e presidente kende a indica cu e placa cu lo wordo colecta ta pa yuda e hoben busca su salud den exterior.

El a sigui bisa cu e bikers club semper a para pa yuda mucha.

“Tur e tres rides cu nos a organiza tabata pa contribui cu e fundacion pa mucha y awor nos a bin cu e idea pa yuda e mucha muher aki cu kier busca su salud pafo di Aruba”, segun presidente di e club.