Ser femenino mester carga e responsabilidad pa sigui crea oportunidad pa hende muhe den futuro

ORANJESTAD (AAN): Riba Dia Internacional di Hende Muhe, Prome Minister Evelyn Wever - Croes a atende un conferencia organiza pa Lindy Croes y Julisa Hoevertsz, “Ladies Leading Conference: Embrace Equity”.

   E sala tabata yena cu hopi entusiasmo di parti esnan presente y a comparti hopi informacion positivo. Prome Minister Wever - Croes ta gradici e dos damanan dinamico cu a organiza e conferencia aki. Semper e ta bon pa hende muhe inspira nos mes y regarda e energia pa por sigui cu trabaonan.

   Finalisando Prome Minister a bisa: ‘Aruba tin hende muhenan fuerte, lanta door di generacion di hende muhenan fuerte cu a traha duro pa hende muhe ta unda nos ta awe. Awo nos mester carga e responsabilidad aki pa sigui crea oportunidadnan pa hende muhenan den futuro tambe por sigui logra cosnan grandi pa Aruba. Pabien na organizadornan cu e exitoso conferencia aki!’