Sentimento di comercio tabata menos optimista den tercer Trimester di 2023

Encuesta haci door di Banco Central

ORANJESTAD (AAN): E siman aki, Banco Central di Aruba a emiti resultado pa e di tercer trimester di 2023.

   Banco Central di Aruba (BCA) a conclui e encuesta di percepcion di negoshi pa e di tercer trimester di 2023. E encuesta di percepcion di negoshi ta evalua e percepcion economico di e negoshinan local.

   Durante e di tercer trimester di 2023, e asina yama ‘Business Perception Index’, cu ta consisti di e indicenan di condicionnan economico actual y condicionnan economico a corto plaso, a baha for di 106,6 te na 105,3 (mira Grafico 1). E resultado ta debi na un bahada den tanto e indice di condicionnan economico a corto plaso, como e indice di condicionnan economico actual.

   E indice di condicionnan economico a corto plaso a baha cu 0,8 punto di indice te na 105,2, compara cu 106,0 den e di segundo trimester di 2023. E indice di condicionnan economico actual a baha te na 105,3 den e di tercer trimester di 2023 (Grafico 2).

   Den termino di expectativa relata na crecemento economico como 42,9 di personanan encuesta ta premira un crecemento economico flat den e siguiente 12 luna, esaki ta un bahada di 7,1 punto di porcentahe compara cu e trimester anterior. E porcentahe di personanan encuesta cu ta anticipa un crecemento economico positivo den e siguiente 12 luna a nota un reduccion di 1,6 punto di porcentahe te na 36,7 porciento, mientras cu e porcentahe di personanan encuesta cu ta anticipa un crecemento economico negativo a subi cu 8,7 punto di porcentahe te na 20,4 porciento (Grafico 3).

   E relato completo di e encuesta di percepcion di negoshi ta disponibel riba:

www.cbaruba.org

   Esey ta e website di Banco Central di Aruba.