ORANJESTAD (AAN): Aeropuerto di Aruba tin e placer di anuncia un asociacion masha emocionante cu GlidePathCX/Thanks Again,
un Loyalty + Rewards + CX (Customer Experience) Platform cu ta uni e programanan di e biahero frecuente di e aerolineanan y e programanan di lealtad di biahe cu e airport concessions.
E colaboracion aki ta pa mehora e experiencia di e biahero na Aeropuerto di Aruba significativamente, mientras ta impulsa ingreso p’e operadornan di retail y F&B.
Como parti di e asociacion aki, Aeropuerto di Aruba tin como obhetivo pa establece un base solido di dato di e miembronan y asina conecta cu un coalicion global di lealtad di aeropuerto, permitiendo e biaheronan pa ricibi recompensa pa nan sosten.
E plataforma ta conecta cu e programa di punto TrueBlue di un di e aerolineanan di mas grandi di Merca cu ta opera na Aeropuerto di Aruba esta JetBlue (check TrueBlue Thanks Again). Ta bale la pena pa destaca cu den futuro, Thanks Again tin plan pa inclui e operadornan adicional di Merca riba su programa.
Con e programa ta traha
E miembronan di e programa di punto JetBlue TrueBlue por inscribi facilmente na e programa:
- Registra GRATIS riba trueblue.thanksagain.com
- Link bo credit card y debit card di un forma sigur (incluyendo banco selecta di Caribe)
- Gana punto TrueBlue automaticamente ora bo come y cumpra na Aeropuerto di Aruba
Ademas e plataforma GlidePathCX ta brinda Aeropuerto di Aruba un CX Dashboard cu informacion den tempo real cu ta inclui:
- Comentario di e clientenan (por ehempel, nan contesta riba encuesta) presenta casi den tempo real
- Sentiment scores calcula diariamente
- Un bista di 360º di e sentimento di e bishitantenan y loyalty transactions durante nan tempo na aeropuerto
Aeropuerto di Aruba lo ricibi informacion valioso di gastonan como tambe informacion di e “passenger personas”, esaki lo permiti un miho comprension di e preferencianan di e biaheronan y nan patronchi di gasto. The Business Intelligence lo permiti e siguimento di e compromisonan, e transaccionnan y e respuestanan na e encuestanan.
“Nos ta kere cu e asociacion aki no solamente lo mehora e experiencia di e biahero na Aeropuerto di Aruba, pero tambe lo brinda conocemento y oportunidad crucial pa e operadornan di F&B por interactua cu e pasaheronan y asina impulsa e negoshi”, asina Barbara Brown, Chief Revenue Development & Communications Officer na Aeropuerto di Aruba, a duna di conoce.
Marc Ellis, CEO di GlidePathCX, a menciona cu: “Nos ta entusiasma di por asocia nos mes cu Aeropuerto di Aruba den un esfuerzo pa mehora e manera experiencia di e pasahero door di haci uzo di conocemento y dato real adkiri, Den asociacion cu JetBlue, nos ta kere cu esaki lo beneficia nos clientenan mutuamente.”
Aeropuerto di Aruba ta expresa su gratitud pa e sosten y participacion continuo di su retail y F&B operators. Pa cualkier consulta of mas informacion, no duda di tuma contacto cu e team di Aeropuerto di Aruba.
