Seleccion di Aruba tabata bon representa na apertura di Weganan Suramericano

ASUNCION: E ceremonia di apertura a bay acopla cu un espectaculo anima yena cu luz,

diferente ritmo musical mezcla, cu sonido di harpa cu ta bin di e cultura guarani na Paraguay.  Asina e weganan a habri den e historico stadion di futbol, Defensores de Chaco.

   Weganan Suramericano lo tuma lugar di Diasabra 1 di October te cu Diasabra 15 di October na e capital di Paraguay.

   Publico den e Stadion a aplaudi di comienzo te fin, y tabatey presente tambe e president Mario Abdo Benitez di Paraguay, kende a declara e di XII Edicion di Weganan Suramericano habri.

   E desfile di e delegacionnan participante (Aruba, Argentina, Bolivia, Brasil, Chile, Colombia, Curaçao, Ecuador, Guyana, Panama, Peru, Suriname, Uruguay, Venezuela, y Paraguay) tabata algo hopi bunita tambe.  E seleccion di Aruba sigur a hala atencion cu nan desfile asina bon anima.  Aki por mira mas di e seleccion di Aruba, potretnan pa cortesia di Comite Olympico Arubano.