Nos Aruba di antes
E sitio cu e potret ta saca ta loke ta na 2022 Plaza Daniel Leo cu bista pa Noord ariba ex La Linda di mucha. E edificio color roos tabata Casa Mathias. E edificio color geel pariba di Casa Mathias ta e edificio actual di La Linda cu tambe ta cera.
E tempo ey Nassaustraat awor Caya GF Betico Croes ta e caya principal. E edificio rondo un tempo ( añanan 80) tabata La Linda, departamento pa hende homber. Prome cu esey e tabata Manhatten Store. Despues esaki a bira Benetton, un tienda masha popular bao di hubentud den añanan 90 pa 2010. Awor na 2020 e edificio aki ta ocupa tienda di paña.
E caminda tabata tin dos via uno cu tabata Emanstraat cu tabata core te na e Crusada di Havenstraat.
E otro via cu tabata Kazernestraat tabata core di e crusada Havenstraat pa bay den Nassaustraat of awor Caya GF Betico Croes.
Na cada banda di e via tabata tin espacio pa parkeo.
Compila pa Roberto Croes
Nos Historia Nos Herencia
