Seis miembro nobo a huramenta pa Delta Aruba Leo Club

ORANJESTAD (AAN): Recientemente Delta Aruba Leo Club, den presencia di miembronan existente y tambe miembronan di nan club patrosinador,

Aruba One Happy Island Lions Club, a huramento 6 hoben como miembro nobo.

   E 6 hobennan aki ta Jainayro George, Isabella Diaz, Zugeska Arendsz, Elena Otañez, Mary-Jane Ras, y Nordin Tromp.

   Acto di huramentacion a worde haci door di Leo President Ronan van Putten y Past District Governor Fl. Lion Doris Lacle-Eugenio cu asistencia di Presidente di Aruba One Happy Island Lions Club, Lion Eugene Dubero y Leo Advisor, Lion Carla Martinus.

   Leo Club ta un programa oficial di Lions Club International unda hobennan ta haya e oportunidad di haya experiencia door di organiza servicionan comunitario pa esnan di mas necesidad den nos comunidad, asina creando lidernan pa futuro. Sigui e facebook page Leo Club Delta Aruba pa tur informacion di actividadnan di servicio cu ta worde organiza frecuentemente.

   Directiva & miembrecia di Delta Aruba Leo Club & Aruba One Happy Island Lions Club kier a desea tur 6 hoben un cordial Bon Bini y kier desea nan hopi exito den nan futuro Leoistico.