MAICAO: Ehercito y tambe Marina Colombiano, a logra gara seis homber kendenan tabata transporta un cargamento di cocaina na Alta Guajira.
Nan a gara nan den un area di beachnan na Coyomahana.
Autoridadnan a confirma cu nan a logra confisca 120 kilo di droga, cu tin un balor calcula di 1.024 miyon Pesos, y ta parce di ta pertenece na e banda criminal di ‘Clan del Golfo’, den su structura ‘Erlin Pino Duarte’.
Den e accion oficial, a logra confisca tambe dos fusil M4 cu 240 proyectil, tambe varios Smartphone, y tambe cartridge pa e proyectilnan.
Parce cu e droga a yega Alta Guajira cu intencion pa e wordo transporta pa centro y zuid di Colombia, pa asina e wordo plama den mercado local. Cada paki tin un simbolo di corona di rey riba nan.
E seis hombernan ora cu nan a ripara cu militarnan ta yegando, nan a cuminza tira riba nan, pero no a logra herida ni un militar. E soldatnan haciendo uso di un forza modera, a logra stop e tiramento y despues a detene nan.
E seis hombernan a wordo hiba pa ciudad di Maicao, unda nan lo wordo procesa awor pa Ministerio Publico.
