ORANJESTAD (AAN)—Den entrevista cu DIARIO, Thomas Ruiz, Secretario di VRA,
ta sigui cuestiona e situacion peligroso cu tin den trafico na Aruba, y cu ya a costa bida di algun peaton.
Ruiz a señala cu articulo 40 di Ley di Trafico, cu ta bisa cu en caso cu un persona ocasiona un accidente, causa lesion of ta costa su bida, e castigo cu ta colga riba su cabes ta 4 pa 6 aña.
E meneer cu a wordo gedal, despues di un par di ora a fayece. “E pregunta ‘a pone e chauffeur blas?’ “A haci onderzoek pa wak si e ta bao di influencia di medicamento, alcohol of droga, cu a reduci su habilidad pa maneha?” “A investiga corectamente si e tabata haci algo cu a kita su atencion riba trafico: celular por ehemplo?” Nos sa cu e ta masha popular awendia?” Thomas Ruiz a señala.
El a agrega cu tur e preguntanan cu tin ta habri. Por ehemplo si e dalmento ta cay bao “intencional” of negligencia na stuur. E ta bao impresion cu ta parce cu a bira algo normal: “Bo a dal un hende, el a fayece, y ya…” Y, bo ta scucha di adultonan mayor cu ta parce algo cu nan no ta bal nada akinan”. El a recorda e señora cu un auto a dal mata riba acera na Smith Boulevard. E ta kere cu e chauffeur ta den libertad caba. Tin otro caso di meneer Faro. Ruiz ta puntra “Ki señal nos ta manda? Nos ta haci nos best pa produci hende cu ta autoriza y capacita pa maneha”, Ruiz a señala.
