Shurman Milliard
ORANJESTAD (AAN): E empleadonan di 131 no ta djis sinta warda den oficina pa problemanan bira asina grandi pa hende yama e number.
Ta asina cu 131 ta organisa diferente charla na diferente caminda incluyendo na scolnan tur caminda na Aruba, pa yega cerca di e muchanan y duna nan informacion cu por funciona na un manera preventivo.
Esaki segun trahador social di 131 Shurman Milliard.
“Si bo tin un pregunta, no tin berguensa pa puntra”.
Hopi biaha nos orguyo ta laga nos atras.
“Mihor bo papia y comunica pa laga sa cu bo ta struggle cu algo, pa nos por tey pa yudabo, segun Milliard.
El a sigui bisa cu tin diferente instancia social na Aruba unda cu hende por ricibi ayudo, pero si bo no tuma e prome pasonan y laga orguyo stroba bo, bo por cay den un situacion problematico.
Segun Milliard no ta facil pa lanta un yiu, pero mester inverti mas tempo profundo den bo yiunan, pa nan haya informacion valioso for di bo.
“E momentonan cu bo dedica na bo yiu, ta hopi importante pa preveni problemanan den futuro”, segun e trahador social di 131.
