ORANJESTAD (AAN): Diasabra dia 28 di oktober 2023 ta fiesta di San Hudas Thadeo, “E Santo di Speransa”, Patrono di esnan desespera y di casonan dificil.
Pa 6.00 p.m. nos ta resa e Santo Rosario na honor di Mama Maria pa bendicion pa nos dushi Aruba, pa mundo henter cu ta pasando den un crisis financiero y menaza di guera, pa crecemento di fe, combercion di pecadornan y paz mundial.
Pa 7.00 p.m. ta sigui un Santo Sacrificio di Misa como accion di gracia pa tur fabornan risibi y ta worde canta pa Koor Vlam di Amor. E dia aki ta un bunita oportunidad pa tur esnan cu a haya sanacion y yudansa den nan necesidad pa gradici Dios na prome lugar y San Hudas Thadeo pa Su intercesion.
Parokia Inmaculada Concepcion y Grupo di Oracion San Hudas Thadeo Santa Cruz ta invita cordialmente tur deboto di Mama Maria y San Hudas Thadeo, tur gruponan di oracion di Santa Cruz y pueblo di Aruba en general pa asisti na e Santa Eucarestia. Asina nos por manifesta nos Fe den Dios y Comunion di Santonan. Bini uno, bini tur.
E aña aki ta 40 aña cu e debocion na San Hudas Thadeo a worde re-activa den parokia Inmaculada Concepcion. Na aña 1984 un reorganizacion a worde haci bow guia di Pastoor Felix Pasadilla d.f.m., Señora Maria Curiel y algun persona mas. Riba sugeremcia di Pastoor Felix Pasadilla d,f.m. a forma un grupo di oracion y a cuminsa resa na casnan di famia tur 28 di cada luna cu ta bishita di San Hudas Thadeo.
Aunque Maria Curiel cu ta e guia cu ta lidera e grupo di oracion no por ta activo actualmente, nos grupo si a keda activo. Nos ta gradici tur persona cu a habri nan porta y risibi nos hunto cu San Hudas Tadeo pa nos a resa tur 28 di cada luna.
