Scouting Aruba presente den “World Jamboree” na Zuid Korea

For di Diamars nan ta na Seoul debi na Typhoon:

ORANJESTAD (AAN):  Un grupo chikito representando Scouting Aruba, a biaha den fin di siman pa Zuid Korea, pa participa den un evento mundial di scouting cu ta e famoso Jamboree cu tur aña ta tuma lugar.

Christopher Lake, Alto Comisario di Asociacion Scouting Aruba a encabeza e delegacion cu a biaha pa Korea pa participa den e di 25 edicion di “World Scout Jamboree na Saeangeum, na Zuid Korea.

            E Jamboree ta tuma lugar cada cuater aña unda cu organizacionnan di scout rond mundo ta topa otro, cada bez na un otro punto di mundo.

            Ta papia di casi 50 mil scout di diferente pais ta bin hunto pa durante dos siman, participa den diferente actividad cu tin di haber cu scouting. Banda di esaki tin tambe actividad pa conoce algo di e pais aki.

            No obstante, di diamars caba a drenta e noticia cu 36 mil boluntario jong y miles di scout mester a evacua for di e dia ey mes, door di e tropical storm cu por trece yobida intenso y viento fuerte. Hopi scout lo bay Seoul. Mester a kita tur nan tentnan, door di e Typhoon cu ta wordo spera pa awe mainta.

            Hopi a bisa cu nan tabata enjoy di e momento, pero mester a bay prome pa motibo di e Typhoon. For di 153 countries e bus a hiba e hobennan na siete ciudad y provincia.

Embahada na Hulanda na Sur Korea a manda hende pa controla unda e participantenan di e Islanan ABC a bay keda, y si nan tur ta bon.

            DIARIO ta desea e hobennan tur y sigur nos muchanan Arubiano hopi exito durante e dianan di Jamboree na Seoul, y cu nan pasa bon den e experiencia di mal tempo na otro pais.