Scolnan cu ta forma parti di Qredits Aruba BYOB a presenta nan idea

ORANJESTAD (AAN):  Durante e ultimo simannan representantenan di Qredits y Aruba Bank

a forma parti di varios presentacion di ideanan nobo y innovativo cu nos hobennan, futuro entrepreneurnan a presenta.

            Creatividad y teamwork a sobresali na tur scol. Despues di algun luna di a ricibi e materia brinda pa Qredits durante e les di Economia, nos por comparti cu tur studiante ta bon prepara pa e evento final cu ta programa pa tuma lugar dia 30 di mei proximo.

            Tur hoben participante cu a wordo selecta lo presenta nan idea durante e final “Pitch Event” y e panel di hurado lo selecta e ganadornan.

            Ta gradici tur scol participante, tur docente y mayornan cu di un of otro manera a forma parti di e proyecto BYOB di Qredits Aruba, DANKI y hopi exito.