Scol Basico Washington cu exitoso ‘Merry Movie Munch’

ORANJESTAD (AAN): Den e ultimo siman di scol prome cu vakantie di Fin di Aña, e alumnonan alegre di Scol Basico Washington a

yega den oranan di atardi pa e actividad cu a ser yama “Merry Movie Munch”.

   Tur mucha a presenta den nan pidjama trendy di Pasco, pa asina nan bay drumi abao riba slopi den klas pa mira nan pelicula.

   Resultado di esaki tabata un anochi fenomenal, y henter Scol Basico Washington a goza di e actividad aki.  Y claramente por nota esey riba cara di e alumnonan, cu a presenta na scol den nan pidjama cu tabata luci.  Docentenan tambe a yega den nan pidjama, y tabata combersa sin fin cu tur hende.

   Di e forma aki, Scol Basico Washington a cera 2025 cu alegria, y ta cla pa yama tur studiante bon bini bek riba Diaranson 7 di Januari 2026, ora scol ta habri bek.