Scol basico St. Paulus School tambe tin nan propio K-Kids Club

ORANJESTAD (AAN): Desde un par di siman pasa, e scol basico St. Paulus School na San Nicolas tambe tin nan propio K-Kids Club.

   Kiwanis K-Kids ta un programa guia door di studiantenan cu ta consisti di miembronan, oficialnan di club, esnan na cabez di comisionnan, y conseheronan adulto,

   Nan lema ta: “Lidernan hoben yudando otronan”, y nan vision ta unda nan ta imagina un mundo unda tur studiante tin e oportunidad pa desaroya nan mes como lidernan solidario y sigur di nan mes y cu ta yuda demas personanan via di servicio.

   E mision: K-Kids ta un programa global dirigi door di studiantenan cu ta ofrece studiantenan cu enseñansa, y experiencianan pa forma caracter, mehora comunidadnan y adkiri habilidadnan di liderato via di servicio.

   E meta: Desaroya habilidadnan di servicio y liderato di e studiantenan.  Pa brinda oportunidadnan pa asina e studiantenan por siña, por envolvi nan mes, ta sirbi y lidera na beneficio di nan scol, comunidad, y mundo.  Pa sigui promove cuido, empatia, y bon caracter den e studiantenan.

   Aki por mira momento cu e prome K-Kids Club di St Paulus School ta wordo instala y por mira riba nan cara cu nan ta hopi feliz mes.  Hopi pabien na e muchanan, na St. Paulus School, y hopi exito.