Santana di Cacho no ta hayando atencion

Error de Freitas di SNBA:

ORANJESTAD (AAN): Errol de Freitas di San Nicolas Business Association (SNBA) ta masha preocupa cu santana di cacho banda di Baby Beach. E ta di opinion cu e luga aki no ta hayando atencion. Hende ta bay eynan pa dera nan mascota, pero ta hacie na un profundidad masha cortico mes.

            El a bisa cu el a combersa cu Directie Natuur en Milieu y cu Departamento di Salud, pero parce cu no ta worry cu e asunto aki. Tin basta turista awor cu ta bay ta canando eynan y e luga aki tin cu drecha, el a remarca.

            Den pasado a papia hopi riba esey, pero awor ta e momento cero. E luga tin cu drecha, for die  careteranan, troittoirnan, mester pone borchi di trafico y e situacion no ta bayendo manera e mester bay.

            Ta pone pa hala atencion di e gobierno nobo tambe riba esaki. Ta hopi importante aworaki pa drecha e parti di e isla ey.

            E ta haci un yamada na tur e ministernan concerni pa por fin San Nicolas por haya nan parti di e economia, de Freitas a expresa.

            El a agrega cu e tambe ta amante di bestia y e no ta core cu gewoon por yega coba y bay. Eynan tambe tin fauna y flora. Mester haci un yamada na pueblo y tene cuenta cu mester ta un proceso.

            E asunto aki tin atencion di San Nicolas completo y no ta algo di awo. Mester bay pone mas atencion na e parti di naturalesa y cuminsa cu e desaroyo cu tur hende ta kere den dje, Error de Freitas a expresa.