Santa Rosa kier a felicita tur e productornan local awe ariba Dia International di Mama Tera

ORANJESTAD (AAN):  Manera ta conocí, anualmente mundo ta celebra Dia di Tera riba e fecha di 22 di april y pa conmemora esaki, tur aña United Nations ta

escoge un tema pa concientiza ariba e importancia di e conservacion di nos mama tera. E aña aki e tema ta “Restore Our Earth” Den Papiamento esaki ta significa “Restaura Nos Mundo” cual tin como meta pa concentra ariba procesonan natural, combina tecnologianan berde cu pensamentonan innovativo cu por restaura nos ecosistema mundial.

            Di e manera aki e tema ta rechasa e nocion di mitigacion of adaptacion cu ta e unico forma pa adresa e cambio climatico. Eta depende cada ser humano pa restaura nos mundo, pa motibo cu no solamente eta un preocupacion y un responsabilidad di nos, pero alavez e aspecto primordial ta cu nos ta biba riba dje.

            Nos tin mester tin un tera saludabel pa apoya nos trabaonan, cual den caso di Santa Rosa, nos tin e necesidad di tin un mundo fertil, medionan di bida, salud, supervivencia y felicidad. Un planeta sano no ta un opcion, pero mas bien un necesidad.

            Mas di 20.000.000 persona den 192 Pais ta participa awor den e diferente actividad annual relaciona cu “dia di Tera”. Esaki ta hasi cu Dia di Tera a bira e celebracion civico di mas grandi di mundo. Awe nos ta extende un invitacion na bo persona pa ta parti di e Dia di Tera y yuda promove e accion climatico den henter mundo.

            Enfrentando e Crisis di COVID-19, sistema nan virtual a bira un manera pa por a conecta diferente comunidad cu otro, debi cu no por reuni den un forma personal mas.
            Apesar cu e Crisis Climatico y COVID-19 a presenta desafionan importante, e circunstancia nan di awe ta uni nos mas fuerte cu nunca. Na momento cu bo planea pa educa un comunidad lo ta bon pa encurasha tur persona, pa contribui cu practica nan, cual ta mas significativo y apropia pa hunto aporta na e mesun causa. Tin un cantidad di plataforma digital manera Zoom, Skype, Google Hangout, Youtube, y esun mas grandi ta Facebook Live, cu sigur ta aporta cu eventonan digitalisa pa asegura cu e mensahe y concientizacion ta yega na un grupo grandi di usuario.

            Asina por tuma nota cu eventonan digital tin e mesun obhetividad y resultado cu reunion nan personal. E ta dunabo oportunidad tambe pa ahusta e logistica y asina adapte mihor posibel na e abilidad y necesidad di bo audiencia. Na honor di e tema oficial di e aña aki 2021,  cual ta “Restaura nos Mundo” ta bon pa educa e comunidad, especialmente e generacion venidero y alavez genera oportunidad nan pa hiba un futuro mas saludabel y sostenibel. For di alfabetisacion climatico, agricultura generativo y reforestacion te cu contaminacion door di plastic por reanuda e desafio y objetivo nan pa restaura nos mundo.

            Ta wordo menciona algun punto hopi cu por yuda den educacion di un comunidad relaciona cu e temanan aki. Informa; comunidad riba e problemanan ambiental local y con e cambio climatico por afecta Region, Pais y Mundo complete promove; balor y comportacionnan participativo cu por mehora e degradacion ambiental  y e cambio nan climatico.

            Ta hopi importante pa empodera bo comunidad cu participacionnan civico necesario pa tuma medidanan pa yuda combati e cambio climatico

CAMBIONAN MIRA Y SINTI

            Na Aruba tambe nos por a tuma nota di hopi cambio den e pandemia di COVID cu a inicia for di maart 2020 na momento cu e prome casonan a wordo registra. Gobierno a tuma e decision pa pone restriccion y adaptacion den orarionan di trabou pa minimalisa contagion. Na e momento aki, tambe por a tuma nota cu un parti di comercio e tempo ey tabata den gara di e pandemia cu e consecuencia cu hopi trahadonan a wordo manda cas of cu a keda cu trabou pero cu rebaho den salario.

            E hecho cu hopi persona a keda na cas sin hasi nada, a logra stimula e interes pa inicia cu e practica di algo cu ta na nan beneficio. Hopi ta esnan cu a scoge pa cuminsa planta, vooral pa e miedo pa un scarcedad di cuminda. Dicon nos di Santa Rosa por confirma esaki? Nos a tuma nota cu na momento cu e pandemia tabata domina, hopi ta esnan cu a bishita Santa Rosa pa haya informacion, cumpra simiya of cumpra diferente mata di fruta di nan preferencia pa asina bai planta den nan cura of pa crea nan hofi.

            Kisas pa motibo di e situacion di e pandemia cu hopi persona no por yega un supermarket y cumpra alimento, cual ta un situacion cu a pone hopi hende recapacita y ta conciente cu lo por tin un scarcedad di fruta of berdura.

            Na Aruba por a aprecia cu hopi instancia a cuminsa hasi curso y reunionnan virtual. Esnan cu tabata traha for di cas tambe tabata tin acceso na training of reunion nan virtual.

            Di inmediato  IDEA hunto cu Santa Rosa a organiza un series di workshop cu varios topico relaciona cu plantamento sostenibel y con e por aporta economicamente y kico ta e incentive nan cu Gobierno a introduci pa stimula y sostene esnan activamente aportando na nos Sector Primario.

            Awe ariba Dia International di Mama Tera, Santa Rosa kier a felicita tur e Productornan local, cu di un manera of otro ta practica nan ofishi di plantamento pero den un forma conciente y aportando na e bienestar di nos isla y nos mundo.