ORANJESTAD (AAN): E situacion di limpieza riba e isla, semper ta cuminza na cas mes. E comportacion civico di tur hende ta importante pa yuda mantene e isla
limpi.
Aki por mira kico por pasa, ora cu hendenan no ta preocupa pa ta sigur cu sea ta transportando sushi na un forma safe den pickup of truck, of tambe kizas ta un ciudadano a djis rek y benta esaki riba caya.
E tipo di comportamento aki no ta aceptable mas den e Siglo nobo aki. E isla ta hopi sushi ainda varios lugar, aunke ya no ta mira hopi saco di plastico di Supermarket mas benta riba cadushi of matanan den caminda.
Djis corda cu si abo como ciudadano no contribui cu bo parti pa asina reduci cantidad di sushi riba caya, corda cu den futuro ta bo yiunan, of nietonan ta esnan cu ta bay haya nan cu un isla casi apocalyptico cu sushi benta unda cu ta.
