ImSan tin 8 graduado como chauffeur y asistente di enfermero nobo

ORANJESTAD(AAN):Recientemente a tuma lugar graduacion na ImSan pa chauffeurnan nobo di ambulans.

Durante e ceremonia director di ImSan Joel Rajnherc a duna un bon bini na e graduadonan na e famia di ImSan.

“Awor cu boso ta famia, haci boso best pa mantene e bon nomber di ImSan den nos comunidad”.

Esey ta un di e tareanan grandi cu boso tin, pasobra boso ta e prome cara cu hende ta wak ora cu tin algo grave cu ta sosode.

Mi ta hopi orguyoso cu nos tin un team awor asina hoben, segun Rajnherc.

“Nos ta spera di por probecha di boso pa hopi tempo, pues e ta un inversion den futuro y esey ta algo cu nos ta algo cu semper nos ta purba, segun e director di ImSan.

En total ta 8 persona a gradua como chauffeur di ambulans y asistente di enfermero.

Ta trata di Zymion Loopstok, Jerral Croes, Jason Bird, Adrien Heronimo, Michell Croes, Eurick Royer, Zhyonthrick Dania y Daven Leslie.