ORANJESTAD (AAN): E tabatin tur cuatro number bon, excepto e Megaball. Pero esey toch a yuda Sandi bira ganador di e 2ndo premio pa e sorteo recien di Mini Mega.
Pesey riba Diahuebs el a acudi na oficina di Lotto na Playa pa reclama su premio. Aki nan a revisa su ticket pa check si el a pone e firma na banda patras, hunto cu e numbernan di banco. Ora cu a scan e barcode, e computer a confirma cu Sandi a gana 22.651 Florin cu ta parti di e di dos premio di Mini Mega.
Mesora a sigui cu e proceso pa transferi e premio electronicamente pa su cuenta di banco. Sandi a indica cu e ticket ganador el a cumpra na Indio Stewart Lottery Santa Helena.
