Ban conoce un tiki di nos Aruba
San Nicolas ta conoci den historia di Aruba como e centro di industria. Na comienso di siglo 18 San Nicolas tabata conoci pa algun cas di piscador. Cu e explotacion di fosfato for di Sero Colorado desde December 1879 pa Aruba Phosphaat Maatschappij na unda e centro di exportacion tabata na San Nicolas a trece algun actividad economico chikito y a bin algun cas mas.
San Nicolas ta haya su nomber danki e propietario di e tereno Nicolas van der Biest. Den e tempo ey respet pa hende grandi y hende cu posicion tabata masha grandi. E trahadornan y conocirnan tabata yama Nicolas van der Biest como Shon Nicolas. Cu e influencia di idioma Spaño Shon Nicolas ta cambia den San Nicolas. Cu e influencia di Lago y su trahadornan di origin Ingles Caribense Shon Nicolas, San Nicolas ta cambia den St. Nicolas.
Cu tempo e influencia di nos Papiamento ta domina y San Nicolas ta keda como e nomber oficial di un districto conoci pa hopi historia.
Compila pa Roberto Croes
Nos Historia Nos Herencia
