ORANJESTAD (AAN): Recientemente durante un actividad special teni na Diana’s Pancake’s na Irausquin Boulevard
, e organizacion di Camacuri Harley Davidson Club a haci un donacion na Fundacion CasMarie.
Esaki ta placa cu e organizacion local di bikers a recauda durante un exitoso Bike Ride cu nan a tene y cu a wordo hopi comenta.
Fundacion CasMarie ta encarga pa yuda tur hende cu ta sufri di e.o. malesa di demencia. Na e ocasion aki, e coordinadora Lisette Does tabata presente pa asina ricibi e regalo di Camacuri Harley Davidson Club.
El a expresa su inmenso gratitud na e organizacion local cu e donacion aki, cu sigur lo bay ta hopi valioso pa yuda esnan cu ta sufri di e malesa. Pasobra ta conoci cu e personanan cu demencia ta creciendo na Aruba.
