San Luis Deportivo cu directiva nobo pa reanuda participacion den futbol local

Pa prome bes ta elegi un dama como presidente

ORANJESTAD (AAN): Diadomingo 3 di Juli a tuma lugar eleccion pa un directiva nobo pa Sportvereniging San Luis Deportivo. Esaki a sosode na su cede na Savaneta. Presentenan a scoge unanimamente pa e siguiente directiva:  Presidente Jessy van der Linde, secretario Norman Thijsen, tesorero Darryl Wolffs, comisarionan Javier van der Linde, Gerold Geerman, Rusbel Patiño y Nelson Laurore.

            Asina pa prome bes San Luis Deportivo ta elegi un dama como presidente. Jessy ta un ex hungador di futbol di damas na Aruba y Jessy ta un referee oficial di AVB.

            Ta importante tambe pa menciona cu Jessy ta yiu di e legendario di San Luis Deportivo Chommy van de Linde.

            Jessy a anuncia cu San Luis Deportivo ta bay cuminsa su actividadnan futbolistico den e categorianan infantil. San Luis ta cuminsa pues pa pone fundeshi prome y di eynan crece bek den futbol y yega na glorianan manera campeon di Aruba 1984.