ORANJESTAD (AAN): Abigael Arends di partido AVP, a splica cu recientemente Señora Misha Raymond di Raiz a saca un relato “Gobierno tin cu atende mesora cu salud mental”.
Segun Arends, e ta di acuerdo cu Parlamentaria Señora Misha Raymond cu salud mental mester di atencion. Y mescos cu salud mental tin hopi otro aspecto den salubridad en general cu mester di atencion urgente. Obesidad por ehempel.
Atencion medico na paciente tanto pa dokter di cas y specialista. Hopi biaha paciente mester warda varios luna pa un cita. Djies pa menciona algun.
Bon mira ta Aruba y comunidad en general mester di atencion rapido y serio.
Nos seguridad nacional, nos educacion, nos hendenan grandi, nos muchanan, nos hobennan, nos deporte, nos finanzas, nos flora y fauna, nos departamentonan di gobierno cu mester duna servicio optimal, nos mester pa Aruba ta na nivel di calidad back y esey ta rekeri esfuerzo di nos tur!
Hopi ta esnan sufriendo ainda cu no tin trabao, cu no sa unda pa drumi, si nan lo come awe, nan no ta vocifera nan dolor pasobra nan tin miedo di represalia cu lo worde tuma contra nan, ainda tin cu ta sin paspoort pa bay back nan pais pasobra e structura no ta funciona optimal, y nan ta keda pega akinan na Aruba, mientras tanto na ARUBA nos hendenan tin cu carga esakinan mientras nos hendenan mes no tin trabao. Nos hendenan humilde no ta bay kritica, no ta bay contra gobierno, no ta bay papia nada, pasobra nan tin esperanza cu un dia e solo lo briya pa nan tambe.
Canando den pueblo, den comunidad, bo ta skucha, y lo bo sa kico ta pasando den diferente area y lo bo tende kico e opinionan ta di funcionamento di e ministerionan di Gobierno y nan respectivo cartera. Como ciudadano preocupa di loke ta convivencia di henter nos pueblo, bo mester ta hopi bon informa di e terenonan ey y “gara e toro na su cachonan” of pa compronde miho “Busca e raiz di e problema y lo bo keda impresiona cu e resultado”.
Pa hopi aña nos hendenan ta bira victima di diferente problematica cu ta combibi den nos comunidad. Cada ora ta importante pa un ser humano por desaroya su mes, nos sistema ta adecua pero no suficiente y AZV tampoco por of kier inverti den otro alternativanan manera un lifecoach, un terapeuta cu ta persona nan cu ta expertonan independiente riba e terreno aki. Claro tin diferencia entre un psicólogo y un terapista, pero e trabao su visión ta mescos, atende e paciente/cliente aki den menos tempo posibel y yude, dune tools pa e por mehora su bida. Lamentablemente e cupo ta limita pa atende paciente/cliente y tampoco no ta comparti of referi e persona nan aki pa e profeshonalnan aki. Cu ta haci e mesun bon trabao pa añanan largo caba riba e terreno aki.
Ta di lamenta cu si no educa pueblo riba tur e sector medico aki y ta keda corta so, of no ta mira espacio pa duna otro flexibilidad na atende cu otro profeshonalnan, nos hendenan ta keda bira victima.
Victima di abuso di tur forma, victima di abuso mental, victima di abuso sexual, victima di abuso emoshonal, victima di abuso fisico, victima di abuso verbal. Tur ta crea depresion un mas cu e otro cu na algun momento di nan vida lo refleha back den nan bida.
Mester enfoca den leynan tambe cu ta protehe e ser humano aki, pasobra no ta tur biaha Husticia ta na banda di e victima aki y e agredor ta core bay of ta worde declara inocente y ta keda cana rond manera nada no a pasa.
Pa decada caba a cuminsa cu Turismo di calidad cu esey ta trece turismo medico. Cu awe ainda nos ta mesun caminda, mester amplia conocimiento di Aruba en general, pa asina crea relashonan cu esnan externo, protehiendo nos hendenan di esnan cu kier bin kibra nos di otro forma.
Segun Abigael Arends, kende ta describi su mes como profesional den area salud, derecho humano, y leynan laboral internacional, e ta kere cu prioridad ta Aruba en general, bienestar general pa nos pais, boso traha duro pa esaki!
