ORANJESTAD (AAN): DVG kier informa comunidad cu tin un cambio den orario di vacunacion na Centro Libertador Betico Croes.
Desde dialuna 7 di februari e prikpost Centro Libertador Betico Croes na Santa Cruz su orario ta di vacunacion ta cambia di 8'or di mainta pa 4'or di atardi 'non stop'.
DVG ta pidi comunidad pa tuma bon nota di e cambio aki.
Ta bon pa recorda comunidad cu Unidad Mobiel di Vacunacion ya a cuminsa nan recorido y actualmente ta staciona na e parking lot di Centro Deportivo Frans Figaroa (Noord). Pa ultimo 2 siman di februari, esaki lo ta staciona na parking lot di Centro di Bario Playa Pabou. E vacuna disponible riba Unidad Mobiel ta unicamente di Pfizer.
Desde 28 di Januari, muchanan di 5 pa 11 aña tambe por cana kibra na Centro Libertador Betico Croes pa haya nan vacuna.
Ta urgi comunidad pa haci uso di e oportunidad aki pa haya nan vacuna of nan booster shot y asina evita consecuencianan grave cu Covid-19 por trece cune.
