ORANJESTAD (AAN): E wega popular di Lotto, esta Zodiac ta sigui produci ganador!
Recientemente Salomon a bay purba su suerte hungando su numbernan vast, y el a bira contento cu el a gana!
Pesey riba Dialuna el a acudi na oficina di Lotto na Playa pa reclama su premio. Aki e funcionarionan di Lotto a revisa su ticket, pa check si Salomon a pone su firma na e banda patras, hunto cu su numbernan di banco. Ora di scan e barcode, e computer mesora a confirma cu Salomon a gana 10.000 Florin cu wega di Zodiac.
Asina a sigui cu e proceso pa transferi e premio electronicamente pa su cuenta di banco. Salomon a indica cu e ticket ganador el a cumpra na Compleet Lottery.
