Grupo di 100 studiante a biaha pa Hulanda pa sigui cu nan estudio avansa

ORANJESTAD (AAN):   Diamars atardi na aeropuerto Reina Beatrix, un grupo mas grandi a sali pa Hulanda, cual ta consisti di 100 studiante.

Minister Rocco Tjon como tambe Directora di Departamento di Enseñansa Aruba (DEA), Sra. Anne-Marie Proveyer y su team tabata presente na Aeropuerto pa despedi di s studiantenan.

            Mayornan tambe a acudi aeropuerto pa asina bisa nan yiu ayo y desea nan tur cos bon cu nan estudio. Tabata sigur momentonan tristo, pero na mesun momento di alegria ya cu esaki ta e inicio di nan proyecto di estudio pa nan bira profesionalnan exitoso den futuro.          

            Diasabra ultimo, e prome grupo cu ta consisti di 24 studiante a yega Hulanda y a wordo ricibi pa Minister Plenipotenciario na Hulanda, mr. Ady Thijsen y director ad interim di Arubahuis, drs. Glenda Hernandez.

DIARIO ta desea hopi exito na tur hoben.

            Potretnan ta cortesia di Aeropuerto Reina Beatrix y Departamento di Enseñansa Aruba.