Durante evento di premiacion global
ORANJESTAD (AAN): Informacion for di Barbados ta indica cu recientemente e empleadonan cu a wordo nombra for di tur e grupo di companianan di Sagicor rond mundo, a presenta den Ballroom di Hilton Barbados pa ricibi reconocemento pa nan fabuloso contribucion, cu tabata tremendo y hasta a yuda bin cu cambio positivamente den e compania durante 2022.
Cu e tema di ‘Star Power’, e compania a tene nan evento di “2022 Group Awards”, cu a reuni un cantidad di consehero di benta, y miembronan administrativo di e instituto di aseguro y financiero. Tabatey presente esnan di Caribe Hulandes, Trinidad & Tobago, Jamaica, islanan oriental di Caribe, Belize, y Merca. Tur a wordo reconoci pa nan prestacion formidable, pa nan inovacion, impacto, dedicacion, y persistencia durante henter aña.
E premio di “Top Sales Advisors” di henter e grupo di Sagicor a wordo otorga na Shameeza van Loon di Aruba, Allan Kercelus di Trinidad & Tobago, Corey Watson di Barbados, Jeden Samuel di Antigua and Barbuda, y Nicholene Taylor di Jamaica.
E anochi aki tambe, e president y CEO nobo di Sagicor Financial Company Ltd., esta Andre Mousseau a hiba palabra y a extende su felicitacion na tur nominado y esnan cu a ricibi premio, bisando cu den e poco tempo cu e ta den e compania, e ta constantemente impresiona y keda admira e nivel di trahadornan talentoso, apasiona, y cu ta labora duro, pa asina ta contribui diariamente na e pasado, presente, y futuro exito di Sagicor.
Riba e potret por mira momento cu e President y CEO, Andre Mousseau ta presenta e premio di Aruba su Top Advisor of the Year, na Shameeza van Loon di e Sofia Velthuizen Unit.
Sagicor ta un compania di servicio financiero den Caribe cu mas di 182 aña di historia, cu tin mas di 4.500 empleado na varios pais.
