S.V. Bubali ta ranca sali riba un bon pia y gana Jong Aruba 3-0

ORANJESTAD (AAN) - E orguyonan di Noord, y e hulknan di  Bubali a cuminsa nan caminda bek pa Division di Honor cu bon pia.

Inspira tras gol nan di Jasorick Ricky Giel, Arron Stamper y Juan Sebastian Oramas , S.V. Bubali ta piki su promer 3 punto nan di e Campeonato AVB 2022/2023. E wega a cuminsa 6:30pm Bubali mandando direcion di noord (Fermins Bar). Bubali un tiki nervioso un team completamente nobo pero poco poco tawata cuminsa arma e wega y a cuminsa haya otro mas facil. Bubali cu un leve dominio. Ta bin un centro riba banda drechi caminda Ricky Giel ta drenta bin aden topa cu e keeper y ta pone e bala den gol pa S.V. Bubali bay ariba asina tambe halftime ta bay aden 1-0.

  Segundo tempo e wega a cuminsa y poco poco Jong Aruba a medio coi dominio di e wega y casi a yega

na empata e wega. Caminda cu Michael Tromp a scapa e team di Bubali. Despues di eynan Bubali a

manera lanta for di e winter slaap y a cuminsa hunga pa gana e wega. Asina Bubali a bay mas den atake pa banda drechi caminda cu Arron Stamper ta anota e segundo pa pone e score 2-0 pa Bubali. Faltando un 4 minuut di wega pa e partido termina y den extra tempo ta bin un cruze banda robez y Juan Sebestian ta sigui bay aden kita e keeper y for di un distancia ta pone e bala drenta goal pa asina Bubali por a celebra e di 3 gol pa e wega termina 3-0 na fabor di S.V. Bubali.

  Bastante fanatico a haya caminda pa stadion pa mira e derby di Noord entre e Diablo Rojonan di Sero

Janchi contra e hulknan di Bubali. E orguyonan di Noord a presenta un team completamente nobo,

hopi dinamico y cu basta velocidad. S.V. Bubali a demostra cu nan tin talento y cu segun cu e

Campeonato ta sigui transcuri nan lo bay bira un team di Bubali hungando un futbol mas completo. E

siguiente wega di e orguyonan di Noord lo ta Diahuebs awor 29 di September contra e team di Atlantico

Deportivo cu ta bin di gana nan promer wega 4-3 for di Real Koyari. E team di e hulknan lo ta hungando

na cas, den Compleho Deportivo Frans Figaroa y bala ta cuminsa lora pa 8 or di anochi. Un invitacion

cordial ta bay na e fanaticada di Bubali... Yega !!