Animonan ta grandi keto bay riba di dos dia Walk+Run 2022 di Aruba Bank

ORANJESTAD (AAN): Diamars atardi a sigui cu e di dos dia di “Walk+Run 2022” di Aruba Bank,

e biaha aki denomina como ‘Roses Edition’.  E biaha aki e caminata y careda a sali for di ex-Bushiri Beach Resort.

   Diamars e distancia tabata di 5.6 kilometer.  Y tabata fenomenal pa mira cu e animo tabatey di comienzo te fin.  Trafico den e area a bira un dolor di cabez, pero na final tur cos a drecha bek riba su mes.

   Awe Diaranson nan lo ta saliendo for di e centro di Paradera Drive Thru pa un ruta di 5.25 km.  Diahuebs lo tin e ultimo walk y careda saliendo for di Aruba Bank su sede na Camacuri.  Aki e distancia ta di 5.6 km.  Na final lo bay tin presentacion di Ataniro riba escenario.