ORANJESTAD (AAN) – Den entrevista cu Minister Ursell Arends, el a menciona cu e incinerator ta procesa e slosh cu ta bin di RWZI y tambe “medical waste”.
El a splica cu pa e incinerator aki procesa slosh, e ta crea un desgaste masha grandi riba dje y mester switch over y cambia algun di e sistemanan di e makinaria, pa bay over pa kima e desperdicionan medico.
E mandatario a bisa cu un bez cu e RWZI nobo ta cla na Bubali Plas, ta bay tin un sistema cu ta bay procesa e 'slush', y cu ta comberti esaki den coriente, y e ora ey e incinerator ta bay keda solamente pa procesa desperdicio medico, y muy probablemente “carcas”. Esaki ta e meta pero mester cambia e hinder vergunning, pa procesa carcas tambe.
E RWZI nobo pa Bubali Plas ta bay dura entre 18 pa 24 luna pa e keda cla, y e ora ey esaki mes lo procesa 'slush', y na Parkietenbos solamente e “medical waste” lo wordo incinera.
