ORANJESTAD (AAN): Un di e weganan di mas popular di Lotto, keto bay ta esun di Zodiac.
Aki bo ta escoge un number consistiendo di cuatro cifra, y bo ta agrega un signo zodiacal y ya bo ta den wega.
Esey ta loke Rumi-Amir a haci tambe, y el a bira feliz sabiendo cu el a gana. Pesey riba Diamars el a acudi na oficina di Lotto na Playa pa reclama su premio.
Aki nan a revisa su ticket pa check si el a pone su firma, y e numbernan di banco su tras. Ora di a scan e barcode, e computer a confirma cu Rumi-Amir a gana 50.000 Florin cu e wega di Zodiac.
Mesora a sigui cu e proceso pa transferi e premio electronicamente pa su cuenta di banco. Rumi-Amir a splica cu e ticket ganador el a cumpra na Lucky Numbers Arendstraat.
